Deddf Argyfyngau Sifil

Sefydlodd y Ddeddf Argyfyngau Sifil Fforymau Cydnerthedd Lleol (LRFs), partneriaethau aml-asiantaeth sy'n cynnwys cynrychiolwyr o wasanaethau cyhoeddus lleol, gan gynnwys y gwasanaethau brys, awdurdodau lleol, y GIG, CNC ac eraill.

Mae gan gyrff cyhoeddus a ddynodwyd yn ymatebwyr Categori 1 (gan gynnwys awdurdodau lleol, gwasanaethau brys, a byrddau iechyd lleol) ddyletswyddau statudol craidd i:

• gynnal asesiad risg i debygolrwydd ac effaith amrywiaeth o ddigwyddiadau mawr a all ddigwydd yn yr ardal
• cynllunio argyfyngau, ymateb i argyfyngau yn effeithiol
• rhybuddio a hysbysu, sicrhau bod y cyhoedd yn cael gwybod a'i rybuddio am risgiau ac argyfyngau, a
• chydweithio a rhannu gwybodaeth ag ymatebwyr categori 1 a 2 eraill

Mae digwyddiadau'n disgyn i ddau gategori:

• Nid yw peryglon yn faleisus, a gallent gynnwys damweiniau trafnidiaeth, tywydd garw, damweiniau diwydiannol, llygredd amgylcheddol.
• Mae bygythiadau yn ddigwyddiadau wedi'u cynllunio, a gallent gynnwys ymosodiadau gan ddefnyddio ffrwydron; bygythiadau cemegol, biolegol, radiolegol neu niwclear; ac ymosodiadau electronig sy'n effeithio ar gyfleustodau a chyfathrebu.

Mae asesiad risg diweddaraf FfLA Dyfed-Powys yn cynnwys ystyriaeth ar gyfer llifogydd, colli seilwaith, a thywydd garw.