Cer nôl

Cwestiynau a Ofynnir yn Aml

Faint o Gynghorwyr Sir sydd yna ym Mhowys?
Pa mor aml mae'r etholiadau Cyngor Sir lleol yn cael eu cynnal?
Pwy sy'n gymwys i bleidleisio?
Sut ydw i'n pleidleisio?

    Faint o Gynghorwyr Sir sydd yna ym Mhowys?

    Mae gan Bowys 68 o Gynghorwyr Sir sy'n cynrychioli 60 o adrannau etholiadol ar draws y sir.

    Mae Cynghorwyr yn cynrychioli pobl Powys ac yn atebol yn ddemocrataidd i drigolion eu wardiau. Eu dyletswydd pennaf yw gwasanaethu cymuned Powys yn ei chyfanrwydd, ond mae gan bob un ohonyn nhw ddyletswydd arbennig i'w hetholaeth, gan gynnwys y rhai hynny na wnaeth bleidleisio drostyn nhw.
    frig y dudalen

    Pa mor aml mae'r etholiadau Cyngor Sir lleol yn cael eu cynnal?

    Fel rheol, mae Cynghorwyr Sir yn gwasanaethu am bum mlynedd, oni bai eu bod wedi cael eu hethol mewn isetholiad, a bryd hynny maen nhw'n gwasanaethu tan yr etholiadau cyngor a drefnwyd nesaf. Wrth gwrs, maen nhw'n gallu ymddiswyddo o'r swydd cyn bod eu cyfnod yn dod i ben. 

    Yng Nghymru mae cynghorau yn cynnal etholiadau lleol bob pum mlynedd ac ar hyn o bryd mae pob cynghorydd yn cael eu hethol. Bydd yr etholiadau cyngor lleol nesaf yng Nghymru yn cael eu cynnal ym mis Mai 2027.
    frig y dudalen

    Pwy sy'n gymwys i bleidleisio?

    Mewn etholiadau cyngor lleol, rydych yn gymwys i bleidleisio os:
    • are registered on the electoral register
    • yn byw ym Mhowys
    • yn 16 oed neu'n hyn ac 
    • yn ddinesydd Prydeinig
    • dinesydd Iwerddon, yr Undeb Ewropeaidd neu ddinesydd cymwys o'r Gymanwlad. Pobl sydd â chaniatâd i gael mynediad neu i aros yn y DU, neu nad oes angen iddyn nhw gael caniatâd o'r fath yw Dinasyddion Cymwys o'r Gymanwlad.

    A allaf i bleidleisio os nad ydw i'n ddinesydd Prydeinig?

    Rydych yn gymwys i bleidleisio mewn etholiad llywodraeth leol (a adnabyddir hefyd fel Cyngor lleol) a Llywodraeth Cymru os ydych yn 16 oed neu'n hŷn ac yn ddinesydd tramor cymwys.

    Nid yw dinesydd tramor cymwys yn cynnwys y canlynol:

    • dinesydd y Gymanwlad, neu
    • ddinesydd Gweriniaeth Iwerddon

    sydd â chaniatâd i aros, neu nad oes angen caniatâd i aros arno, neu sy'n cael ei drin fel rhywun sydd â chaniatâd i ddod i mewn i'r DU neu aros ynddi.

    Gall dinasyddion tramor cymwys 14 oed a hŷn gofrestru i bleidleisio yng Nghymru. 

    Ddim wedi cofrestru i bleidleisio? Darganfyddwch fwy yma:

    https://cy.powys.gov.uk/cofrestruibleideisio

    frig y dudalen

    Sut ydw i'n pleidleisio?

    Gallwch ddewis pleidleisio yn bersonol, drwy'r post, neu drwy ddirprwy. 
    Gallwch bleidleisio wyneb yn wyneb ar ddiwrnod yr etholiad yn eich gorsaf bleidleisio. Dyrennir hyn i chi yn seiliedig ar eich cyfeiriad ar y gofrestr etholiadol. 
    Gwnewch gais i bleidleisio drwy'r post a byddwch yn derbyn pecyn pleidleisio drwy'r post gyda'ch papur pleidleisio cyn y diwrnod pleidleisio. 
    Os ydych chi wedi gwneud cais i bleidleisio drwy ddirprwy, mae angen i chi ofyn i rywun rydych chi'n ymddiried ynddo i fwrw eich pleidlais ar eich rhan.
    frig y dudalen